Sa i gjatë është Shkumbini?
Sa i gjatë është Shkumbini?
Shkurt 2021
Lumi Shkumbin ndodhet në Shqipërinë e Mesme.
Është një nga lumenjtë më të mëdhenj në vend, me gjatësi 181 km, sipërfaqe 2444 km katrorë dhe lartësi mesatare 753 m.
Derdhet në Adriatik në veri të lagunës së Karavastasë.
Buron nga shpatet lindore të malit të Valamarës dhe të Gurit të Kamjes. Në pjesën e sipërme të rrjedhjes kalon nëpër një luginë të thellë dhe pastaj futet në krahinën e Mokrës dhe rrjedh me drejtim veriperëndimor deri në Librazhd, ku merr ujërat e Rrapunit.
Përtej Librazhdit merr drejtim jugperëndimor dhe rrjedh nëpër një luginë pak a shumë të ngushtë.
Në fushën e Elbasanit shtrati zgjerohet dhe merr drejtim perëndimor deri sa del përfundimisht në Ultësirën Bregdetare.
Degët kryesore të lumit Shkumbin janë përroi i Dushnës, i Radicinës, i Bushtricës, i Gostimës dhe lumi i Rrapunit.
Gazeta Dita